Kpay Le Wave Money Tangka Kuatawknak Tuahtu Agent Pawl Central Bank In Ralrinnak A Pe

Kpay Le Wave Money Tangka Kuatawknak Tuahtu Agent Pawl Central Bank In Ralrinnak A Pe

Mi tampi in kan hman uar zet mi Kpay le Wave Money thawn Mobile ihsin tangka kuat le tangka suahnak a tuahtu Agent pawl ih dawr tin-ah CCTV ret thluh ding in le tangka suahtu le a kuattu pawl kha a thupthiar in thlalak ding in ralkap council ih Central Bank cun August (15) ah khan thusuahnak a nei.

Tangka ciahpuam thu le hriamhrei kai pawl bomnak pe thei hlah hai seh, ti duhnak thawn thupi (10) hmang in thu an suah a si.

Mobile thawn tangka kuatnak (Promotion) a tuahtu Agent pawl dinhmun in thlun ding daan an khiahsak mi ahcun tangka a suahtu le a thuntu pawl ih hmin, ID (Hmatpungin), dung le hmai zuk mi copy, ph.no, umnak (address), tangka kuatnak a san le vang ti pawl fumfe zet in an tuah a ttul tiah an thusuah mi ah an tarlang.

Hi thuthawn pehpar aw in mi tampi hmuhdan ah tthatnak lam hnak in siatnak lam a thlenhpi sawn ding, tile mipi ralkap (PDF) pawl support thei lo ding ih hma an laknak a si fawn tikah hrekkhat hmuhdan ahcun mipi le mipi karlakah remawk lonak a suakter thei mi thil a si tiah an aupi cio ve.

Culawng siloin Agent le Mobile Money Promotion Level – 3 a hmangtu pawl khal mai umnak (address) dik tak, Veng lal theihpinak cakhen le Palik zung theihpinak an ttul bet, tiah Central Bank cun a tarlang.

Mobile ihsin Kpay le Wave Money tangka kuatawknak Account a tuah duhtu pawl khal hmin, ID, dung le hmai zuk, ph.no le a ttul mi zuk pawl thawn account thar tuah ding a si, tiah an tarlang.

2 Comments


  1. Howdy this is kinda of off topic but I was wanting to know if
    blogs use WYSIWYG editors or if you have to manually code with HTML.
    I’m starting a blog soon but have no coding expertise so I wanted
    to get guidance from someone with experience.
    Any help would be enormously appreciated!

Comments are closed.