Tio tiva ah raltlan nauhak pakhat a fen that

Tio tiva ah raltlan nauhak pakhat a fen that

India le Myanmar ram ritawknak ah Tio tiva ah Mizoram, Zokhawthar khua ih raltlan mipa kum 13 cu tui’ sun August ni 14 zing ah a fen that tiah thuthang kan ngah.

Tidai ih fen that hi Kalay peng, Sekan khua in Zokhawthar ah ral hung tlan an si. A hmin cu David Lal Hruai Zel a si ih a ruak cu tui’ zaan lam nazi 3 ah Zokhawthar thlanmual ah an phum tiah theih a si.

Uico ralhrang pawl in Sekan khua hi vei hnih rori an luh hnawh ih khua mipi pawl an hmuhmimi an hruai thluh. Cun an khawsung vei tampi Uico ralhrang pawl in bomb an kah ruangah hriam aw an um ruangah khuasungmi pawl cu sa himnak hawl in Tahan le Mizoram lam ah an tlan.