SAC Ralhrang pawl in Chaungkhuah Inn 12 an Ur

SAC Ralhrang pawl in Chaungkhuah Inn 12 an Ur
Kalay peng, Chaungkhuah khuasung inn (12) luan lai cu mani August (12) ah SAC ralhrang pawl in an urkang sak ih khuasung mi pawl cu mahle sahimnak hmun ciar ah an tlan tiah theih a si.
Mani August (12) ah khan Tayagone le Chaungkhuah khua kiang ah SAC ralhrang le Kalaymyo hrambun mipi ralkap pawl doawknak a suak sal ih SAC ralhrang pawl in Chaungkhuah khuasung lam ah hriamhrei tum kap ciamco phah in khuasung an lut ih an ton hmaisasa inn an urkang sak vivo tiah theih a si.
Chaungkhuah khua hi SAC ralhrang pawl in kan dung kum 2021, December thla ah vei khat, tui kum 2022, April thla ah vei khat, ti’n khuasung inn pawl an urkang sak dah ve zo. Khuasung mi pawl hramlakah harsa zet in ruah le thli lakah bawmtu an ttul zet tiah theih a si.
SAC ralhrang pawl cu Chuangkhuah RC biakinn ah mi zaan kha an riak ih zo ti theih lo mipi menmen mi 3 hruaimi an nei tiah theih a si.

2 Comments


  1. A poi thei tuk aww. Thin a na thei tuk.


  2. 💪💪💪💪💪

Comments are closed.