Falam peng ah Helicopter vei 6 a ra tum

Falam peng ah Helicopter vei 6 a ra tum

Falam peng, Falam khawpi le Rihkhawdar khawpi ah tui’ sun August ni 11 zing nazi 7 in zaan lam nazi 4 tiang Helicopter vei 6 a ra tum tiah tualsungmi pawl hnen in thuthang kan ngah.

Rihkhawdar ralkap camp ah tui’ zing nazi 7 in sun tiang Helicopter vei 3 a ra tum ih zaan lam nazi 3 in Falam khawpi Vankau tlangah Helicopter vei 3 a ra tum tiah theih a si.

Mizaan August ni 10 zing nazi 2 in 7 tiang India-Myanmar ramri Rihkhawdar Tio tlangzim ih ralkap camp cu Chin ralkap tangkawm in an va bei. Himi doawk ah an ralbawi bik pakhat tel in mi 5 an thi ih mipi ralkap lam ah mi 4 an ra pe aw.

An doawk theh hrawngah Jet Fighter vanzam tla vei 4 rori Rihkhawdar le Tio tlun ah a hung hel ih bomb cu a thlak lo.

Helicopter pawl khal uico ralhrang pawl ruak an ra phur phah ah minung le hriamhrei pawl an run tawl ti’n tualsung mipi pawl cun an ringhlel.

August ni 2 ihsin 7 tiang Tio tlangzim ih um uico ralhrang pawl umnak cu Chin ralkap pawl in zaan ah drone thawn an bomb dah.

 

9 Comments


  1. တွဲလက်ညီညီအောင်ပွဲစီသို့💪

    အရှုံးမပေးမချင်းငါတို့နိုင်တယ်

    အာဏာရူးကိုအမြစ်ဖြတ်ဖို့ တို့များလက်တွေတွဲထားစို့


    1. 💪💪💪💪💪💪💪💪💪💪💪💪🏿💪🏾💪🏿


  2. လက်တွဲမဖြုတ်ကြေး💪💪💪


  3. Bawipa’ humhim nak nan henn ah um hram seh.


  4. သင်နှင့် ကျွနုပ်အဆိပ်သင်လူဖြစ်ပါစေ


  5. Coup Leader Dwarf Min Aung Hlaing and his ball-lickers must go to Hell.


  6. The coup must fail.

Comments are closed.