Aung San bualrawn ih ramsung thilri kuatnak pawl an khar ter theh

Aung San bualrawn ih ramsung thilri kuatnak pawl an khar ter theh

Yangon ihsin ramsung khawpi dangdang ih thilri kuatnak Aung San bualrawn kap ih gate pawl cu ni tiam cin um lo in an khar ih ni hnih sungah dawr pawl thiat theh ding in rallokap pawl in thu an suah.

August ni 3 ah dawr pawl khar theh ding in rallokap kuttang ih hnatuan pawl in gate ah ca thawn thupek an than hai.

Aung San bualrawn gate ih thilri kuatnak pawl hi tu in an thawn aw thok zo tiah theih a si.

Kan dung June thla lai ah tla Aung San gate ih thilri kuatnak pawl ni 3 sung khar ding in thu an rak suah dah.

Tu bang ih gate ihsin thilri kuat an khamnak le dawr pawl an khar ternak san cu rallokap pawl thusuahmi ah felfai te’n an ngan lo.

Ramsung khawpi pawl ah Aung San gate ihsin thilri kuat darh a si. Aung San gate cu an khar nan Yangon khua sung ih thilri kuatnak gate tete pawl le Aung Mingala gate cu an ong ringring thei lai tiah theih a si.

Leave a Reply

Your email address will not be published.