Hakha khawpi kiangah ni 4 sung kahawknak a suak

Hakha khawpi kiangah ni 4 sung kahawknak a suak

Hakha khawpi kiang Timit va kiangkap ah rallokap pawl le Chin ralkap tangkhawm pawl cu July ni 30 in August ni 2 tiang an do aw rero tiah theih a si.

Chin ralkap tangkhawm lam ah CNA, CDF-Zophei, CDF-Thantlang le CDF-Hakha pawl an si.

Rallokap pawl hi Hakha ihsin bur thum ah then aw in Thantlang fehnak Timit va control thei ding an timtah. Tui sun khal ah hriamhrei tum kap awn theih a si rero ih mi zaan August ni 1 khal ah zaan nazi 8 tiang an kap aw ih rallokap ruak pakhat an hmu tiah theih a si.

Rallokap pawl hi Hakha in Thantlang fehnak Timit va lilawn saksal ding an tumtah tiah zum a si. Ziangah tile Timit va an sak that sal thei a sile Thantlang ih um rallokap pawl kha van ihsin ralthuam le ei in kuat tul nawn lo in lei par in kuat thei an tum ruangah a si.

Curuangah kan dung July thla ah Kalay ihsin saktuahnak ding thilri pawl motor 4 in an hun phur ih tu hi Hakha ah an ret theh zo.

Tui’ tum doawknak ah Hakha ihsin hriamhrei tum thawn nasa tak in an kap bawm ih mipi ralkap lam cu an zate’n an him theh lai tiah theih a si. Cunah Hakha le Thantlang karlak lamzin hi zo hman in zawh hrih lo sehla kan him tlangbik ding.

1 Comment

Leave a Reply

Your email address will not be published.