Raltlan nauhak pawl hnen ah cabu 90 an zem

Raltlan nauhak pawl hnen ah cabu 90 an zem

Mizoram, Zokhawthar khua raltlan buk ih a ummi pawl hnen ah Khumte le Tharte tei’ innsang in nauhak cabu bu 90 cu tui’ ni June ni 5 zing ah a lak in an zem hai tiah theih a si.

Himi thuanthu cabu hi Lai tong le Mirang tong ih ngankopmi a si tikah Lai ca le Mirang ca zirnak khal ah a tha zet. Raltlan buk ih nauhak zaan tlawng an onmi ah bu 30, bualrawn raltlan buk ah bu 40, Sekan raltlan buk ah bu 10, mah te bukte ih um pawl hrang bu 10 tin an zem hai.

Khumte tei’ nupa khal tu ah raltlan in Mizoram ah an khawsa ve rero ih nauhak fimzirnak lam ah seherhnak thinlung nei in cabu an hlumi a si.

Cabu ngantu hi Salai Lal Zui Lian a si ih anih hi nauhak siar tha thuanthu cabu tete kha Lai le Mirang ca a suah theu.

Zokhawthar khua ah Myanmar rammi raltlan innsung sang 700 luan an um ih a hrek cu mah te innsang in an um ih a hrek cu raltlan bukte an sakmi ah le a hrek cu mahte tipuan thlamte sung ih um an si. Sumpai nei deuh cu inn hmun an lei ih mah te’n inn an sak hai.