KNU ralkap in Ralhraang Sakhaan pakhat hrut fai

KNU ralkap in Ralhraang Sakhaan pakhat hrut fai

Karen ram, Thlanglam Myawaddy, Thailand-Myanmar ramri ih um Thae Baw Boe SAC ralhraang sakhaan cu Cobra operation timi cangvaihnak hmin thawn KNLA/KNDO (KNU) ralkap pawl in an la suak tiah theih a si.

KNU tatmaha 6 hmunram a si mi Lay Kae Kaw kiang ih um ralhraang Sakhaan le a kiangkap khua pawl ah May 17 zaan nazi 10 hrawngin KNLA/KNDO le ralhraang rakap an doaw tiah theih a si ih, tuni May 18 ah KNLA/KNDO in sakhaan pumhlum an la thei ti`n Karen National Media in a tarlang.

 

Doawknak ah ralhraang ralkap thi an tam ih nungdam in kaih ngah mi khal an um nan thuhla cipciar an suah hrih lo.

“Sakhaan kan la thei zo. SAC ralkap a thi an tam. Nungdam in kai ngah mi khal an um nan thuhla cipciar suah man a si hrih lo. Ralhraang lam an tuar na ruangah vanzam thawn bomb tampi an thlak” tiah Cobra operation ih telvetu ralkap pakhat relmi cu MPA media in a tarlang.

Ralhraang ralkap an tuar nat ruangah fighter vanzam thawn hmun hranhran ah bomb tampi an thlak ih, zaanlam nazi 4 kim zik tiangah voi 35 hnakih mal lo bomb an thlak zo tiah theih a si.

1 Comment


  1. Dictatorship must fail soon.

Comments are closed.