Tuini Kalay- Tasii Khua Ah PDF-Kalay Le Sit Kawngsi Ralkap Pawl An Kahawnak Thu Famkim ..

Tuini Kalay- Tasii Khua Ah PDF-Kalay Le Sit Kawngsi Ralkap Pawl An Kahawnak Thu Famkim ..

Sagai ramtthen Kalay peng Tasii khua ah Sit Kawngsj ralkap nih an khua ah ral hrang tum in a rak lut ih Mipi kil-ven tu PDF- Kalay pawl thawn tuini zinglam May 31 ni ah pakhat le pakhat an kap-awk..  ” Tasiii khua ” timi cu Kalay khawpi ihsin peng 3 hrawng a hlat ih mipum rel 3000 hrawng khua an sa. Tuini may 31 ni, zinglam ah Sit Kawngsi pawl ralkap thazang minung 100 cu Tasii khua ah an rak lut ih ..

Sit Kawngsi ralkap pawl an khua an lut hnu ah Inn khat hnu Inn khat an cek ih an khua mi pawl an kaih rero ih Cui thu cu PDF pawl nih an thei ngah. 

” Khua sungah an rak cek vivo hnu kan rualpi phunsang tlawngta pawl an kai kan thei tikah kan tuar thei lo.. kan kah-awknak cu khua laifang ah asi.. Sit Kawngsi pawl an mipi khuasung, mipi sung an lut vivo ih kan nih cun hngak phah in kan kap ” tiin tlawngta pakhat in a rel. 

Sit Kawngsi ralkap pawl cu khua sung an lut ih Mipi ih hrilmi khua hotu innsang an lut ih khua hotu U Tun Moe le Innsang , tlawngta pawl tel in an zate minung  18 an kaih ngah. 

Cui hnuah Khuasung um inn pawl khal meithal in an kap rero ih Nunau minung 5 um nak inn pakhat ah paisa ting 22 an lak asi tiin PDF pawl nih an rel. 

Tasii khua ah PDF- Kalay  le Sit Kawngsi pawl cu tuizing nazii 9 ihsin 12 tiang vei khat, Nazii 2 ihsin 3 tiang vei khat an kap awk ih zinglam nazi 9 ihsin PDF – Kalay nih an khua sung an kulh thluh zo. 

” Sit Kawngsi pawl inn khat hnu inn khat an lut laiah  khua lengah mipum kan khawl awk ih Khua cu kulh ttek in kan kap.. Lai meithal kiak theih pawl in kan kap.. an mah cun meithal thazang cak vei thum an hmang.. Cet meithal an hmang.. an kap lai ahcun kan bok kan relh ih an kap nawn lo le kan kap lala .. relh phah kap phah in dung kan kir vivo ” tiin PDF hotu nih a rel. 

PDF – Kalay pawl Lai meithal ih an kah nak ruangah Sit Kawngsi ralkap 3 cu an tluk nan a thi maw thi lo cu rel theih asi lo..  Cutivek an kah-awknak ruangah Tasii khua ih um Putar, Pitar le Nauhak pawl cu khua ihsin an tlan zo. 

” kan kah-awknak thok ihsin an tlan zo.. an nih cun kum tar le nauhak pawl lawng an runtum ih an kap vivo.. hmaisa ahcun kan kap hrih lo nan  Sit kawngsi pawl thazang cak meithal pi an suah hnu  cun Kum tar le nauhak pawl kan nunsuah ih kan kap sal ve ” tiin khuami pakhat in a rel. 

Khuami pawl cu khua leng um loram pawl ah an tlan.. Sit Kawngsi pawl cu khua sungah sakhan an tuah ih meithal an kap rero lai asi .. ” tiin a rel bet .

Source : Myanmar Now