Nunau 1000 Tlun Thua Pastor , Thawng Kum 1000 Tlun Toh Ding In Thu An Then..

Nunau 1000 Tlun Thua Pastor , Thawng Kum 1000 Tlun Toh Ding In Thu An Then..

Nunau 1000 tlun tthua pathian rawngbawl pakhat,  thawng kum 1000 tlun toh ringring ding in thutthennak an nei. tuini January ni 14 ah thutthen asi.

Turkish ram ih hminthang tak Muslim pathian thu rel thu Aisnanukista cu nunau mawhnak tamtak a lang ih thawng kum 1075 toh ding in thutthennak an nei tiin Bloombeng Media in a rel.

Online Video ihsin an Pathian thu a rel ih paisa a hlu tamtak la ringring tu Kista cu Nunau tamtak a sualpitnak a lanv ih, a mah ih  sualpit mi nunau 1000 tlun aum tiin a mah rori in a sim. Cauk khal tamtak a ngan ih Muslim ih siarsiam tu pathian thu a phuang a ngan ih Conservative a hlan vek kirsal zumnak nei pakhat asi.

Danglamnak pakhat cu  Nunau pawl a sualpi ih an mah thiamnak in a aa ttheh ih a kiangkap ah lam ringring tu a tuah ih TV Studio ihsin a thlah ttheu. Kista an kaih tazaacuainak sungah Turkish ram ih ralkap pawl karlak hliakhlai a tuah ttheu nak khal a tel.

Kusta cu a mah tein TV Channel pakhat a tuah ih cunah ihsin a mah ih thu pawl an tarlang ih Cui Channel ih a telmi Nunau hmuahhmuah cu ” Ukista ih zawhte ” tiin an ko. Turkish cozah cun a dungthlun tu hmuahhmuah an kai ih an TV Channel khal an phihsak.

Kum 64 a kim thlang tu Ukista ih hopawl an kai thluh ih minung 236 an kim. Ukista cu mawhnak 15 thawn tazaacuai asi ih hriamhrei hman in ttih ding ih a tuahnak , Mi pakhat ih thu a firnak le Mi a fir, pakhat khat a kai ih paisa a dil … tivek mawhnak tampi thawn kaihmi asi.

Source : O Media

Leave a Reply

Your email address will not be published. Required fields are marked *