Tuikum 2020 Hrilawknak Ah Rampi President Hlun U Thein Sein Innah Vote Pe Ding Minung 184 A Lang..

Tuikum 2020 Hrilawknak Ah Rampi President  Hlun U Thein Sein Innah Vote Pe Ding Minung 184 A Lang..

Ahlan Ralkap bawi hlun pawl Inn, Naypaydaw khawpi ah  Inn 6 an um ih 2020 hrilawknak ah Vote pe thei tu minung 245 an um ih U Thein Sein Inn ihsin Minung ( vote ) 200 lai aum ti asi.Rampi President hlun, USDP hotu hlun U Thein Sein Inn , Naypyidaw A(4) ihsin Vote(minung 184 an um.

Ralkap hotu bik hlun pawl Naypyidaw ah thupi in inn pa an sak ih “thupi  inn 6 ” tiin  an kawhmi Inn pawl ihsin U Thein Sein Inn in vote pe tum pawl cu Myanmar now pawl in a thei ngah zo. Cui Inn 6 um nak Zabuithiri myone Ngiopinkyi suh khua Mee pung No. 2 ah pe ding an si ih U Thein Sein inn ihsin minung 180 tlun an um.

Sinan , Ngiopinkyi suh khua Mee pe ding tuanvo nei pawl cun “!Cozah hnatuan an tamtak an um ih cui cozah hnatuan pawl cu U Thein Sein ih umnak Inn ihsin an hmin ngan sual ruangah asi ” tiin an rel. Cucu Ngiopinkyi Suh Khua hrilawknak committee hotu U Hla Ngiu in Myanmar Now hnenah a rel.  A thi zo pawl khal Vote pe dingah an hmin a tel tivek cu an hmu nan Khua sung pawl umnak sual ih langter mi tivek cu a um lo tiin a rel

” Umnak Address sual tivek cu a mal ih hmin ngan sual tivek cu an tam ” tiin a khal arel. U Thein Sein Inn ah Vote pe thei Minung 9 lawng an um ih Vote pek taktak ding si tikah minung an tamtuk ih ka mangbang tuk ” tiin Puhbathiri MP U Yi Min- Mg Tin Thit in a rel. U  Tin Thit cu tuikum NLD ihsin MP cuh tu ding asi.

” U Thein Sein ih Inn ah Vote pe tu an tamnak cu umnak address sual ruangah asi ” tiin a hlan ih an tuah dan thu hrilawknak committee pawl in an rel.  hrilawknak thlen hlan ni 90 sungah tu naite Naypyidaw ah um men ih Vote theinak an tuah maw / tuah lo tivek zoh a tul .. ‘ tiin U Tin Thit in a rel bet. USDP ttong theihnak nei U Thein Tun Oo cun ” hivek thu kan thei lo.. Vote thei tu tuahnak ah hmun tinkim ah a sual an tampi ko ” tiin a rel.

President hlun U Thein Sein Inn ihsin mInung an tamnak cu Computer cangan tu an sual ruangah asi.. U Thein Sein Inn ah a hmin tel pakhat khat in an simfiang le a rem thluh ko ding ” tiin hrilawknak Committee tuanvo nei U Moe Zaw in a rel. ” Vote fir awknak tivek cu a um lo ding .. hmin sual, Hmatpung tin sual ruangah Vote thei lo tivek um lo ding in kan tuah ko ” tiin a rel bet.

Hrilawknak Commitee ih an suahmi ah Ngio Pin Kyi Suh Khua , Mee No. 2 ah Cui Naypyidaw Buchuk pawl khua Inn 6 ihsin  Ralkap hotu bik Buchuk Hmu Kyi hlun U Than Shwe Inn A-1 ihsin minung 16 , Pahnihnak Buchuk Hmu Kyi hlin U Mawng Aye Inn A-2 ihsin Minung 6 an um. Cuvek in Buchuk kyi hlun Thurah U Shwe Man Inn ah ( A- 3 ) ah minung 23 , Buchuk Kyi hlun Thiha Thurah U Tin Aung Myit Oo  inn A-5 ah minung  11 , Buchuk Kyi hlun U Tin Aye inn A-6 ah Minung 5 an um.

Source: Myanmar Now

Leave a Reply

Your email address will not be published. Required fields are marked *