Kan lo bawm in ti nawn hlah uh, Dothlengnak hi kan zate tuanvo si 

Kan lo bawm in ti nawn hlah uh, Dothlengnak hi kan zate tuanvo si 

Olivia Thawng Luai
Ramtang i um hrang ah internet hi sapel i pel caan tla a um theu. A caan le a ttha lala. Nikhua i zir in tla a si ko ding.

Network a tthat lo caan hi a tam sawn ih, mi biak ding le zoom meeting kan neih caan ah line a hlo pang le tlangpar ah kai in, a sur/ a sa/ a sik caan ah line hawl a ttul caan a um. Ruah sur le mi inn ah dil in ruah beu caan tla a um.

Caan hrekkhat ah ca a ra lut ih kan siar thei nan reply mi a deliver aw thei lo caan tla a um. A caan le App kan ong thei lo caan khal a um.

Cu ruang ah Pathian thlawsuah dong cia mi ramnuam le ramleng i um ttuanpi hrekkhat pawl hnen ah hi lam dinhmun in theih thiam ding ka lo dil duh. Ramtang i um hrang cun computer hmai to le phone tham caan hi duh vek in a ngah lo. Network khal a sia.

Kan rawl ei/in ding a cem hlan ah tawlrel cia tla a ttul. Training kan tuah caan a um.
Kan nau le an dam lo le a himnak hmunah kuatawk dan hawl caan a um. Thilri kan ttulhai mi kuatawk dan hawl in tawlrel caan tla a um.

Khua kiangkap buaibainak tete a um in report le hnattuan dang taan in bike ttha lem lo siat phahphah thawn ruahsur le ciarbek lak ah bah phahphah in khual tlawn caan tla a rak um theu.

Line a ngahnak hmun ah phone taanta in charging tuah caan tla a tam zet. Stress caan ah le internet tha lo caan ah cu thinsaunak in a daih lo theu ruang ah Veikhat response cia te kha in rak ring sak in hna cu ttuan zutzo mai sehla hma a sawt sawn lo maw!!

Miphun Zalennak le Dothlengnak hi ramtang um pawl lawng i ttuanvo a si lo. “Kan lo bawm, kan lo bawm ding” timi ttong tla in ti nawn lo hram uh.

Kan za te ttuanvo a si. Lungtluang tuk lo khal le ngol phah cing in, mah le thathnemnak zawn in ram le miphun hrang ah ttuan cio ko uh si.

10 Comments


  1. thank a lot. very successfuly.


  2. အားတင်းထားပါ အမျိုးတို့


  3. အောင်မြင်ပါစေ


  4. တော်လှန်ရေး အောင်မြင်ပြီးရင် စစ်ကိုင်းဖြတ်ပြီး ချင်းပြည်အလည် လာအုံးမယ် အမျိုးတို့❤️❤️❤️


  5. A dik tuk.
    Dothlen nak hi kan zate ttuanvo rori si.


  6. တိုက်ပွဲသည် လူ့အရည်အသွေးရဲ့သရဖူ


  7. A dik lutuk. Dothlengnak hi zapi tuanvo a si.


  8. We are clicker😊😊


  9. တစ်နေ့ မင်းအောင်လိူင်စစ်တပ် တိုင်းရင်းသားတွေကို အကြွေးပြန်ပေးရမယ်


  10. အားတင်ထားပါ

Comments are closed.