Khuat (No) tawpkhawk

Khuat (No) tawpkhawk

Phunsang tlawng (University) pakhat ah Psychology (thinlung lam zirlai) zirnak ah a si. Psychology zirhtu in a cabuai par ah tidai a-hrek lawng um mi khuat pakhat a ret.

Tlawngta pawlin zirhtu in khuat (no) sung ah tidai hi a-hrek ai tam maw, a-hrek ai mal timi in sut ding tiin an ruat. Hi thu cu kan thei cia zo tiin an tong supso.

Hmakhat te ah zirhtu in khuat keng in tlun van ah a thlir ih a sut hai. Ka ken mi khuat hi ziang tluk a rit?

Tlawngta pawl cun ttikal 50, ttikhal 10, ttikhal 20 tiin mah le sim dan cio in an auh celcel.

Tlawngta pawl ih an rin-hmang an sim theh hnuah zirhtu in hitin a sim.

“Thungai ti cun khuat ih rit lam hi a thupi lo. A thupi sawn mi cu khuat (no) hi ziangtluk rei tiang na keng thei ti hi a si. Tu ah, khuat hi minute 10 hrawng ka keng ding. A ol te panteh. Nazi khuai hrawng ka ken cun, ka kut nuam teten a zawng ding. Cui’ tlunah Nazi 3 sung lai ka ken cun, ka ban, ka kut zaphak, ka kutzung pawl tiangin an zawng ttheh ding. Keng thei nawn lo in khuat hi ka thlak ngah ding.

Milai ah thinlung tawpkhawk thinpitnak thlen caan a um. Rei lo te sung lawng a si cun buainak a um lo. Thinlung sungah ni-thla rei zet a cam cun milai thinlung a tibuai thlang. Thu ruah dan le ngaihtuah dan tla tui hlan vek a si nawn lo. Cu cun tuar thei nawn lo in, mitu ih khuat thlak vekin thinlung ah a puak kuai ttheh cun thil cang lo dingmi tla a thlen phah ding.

Curuangah thinlung tawpkhawk timi cu lung sungah rei pi pai lo ding. A lamzin hawl ih hlawn ttheh ding,” a ti.