Nuclear ralthuam ih ṭihnunzia!

Nuclear ralthuam ih ṭihnunzia!
Leitlun ralpi 2nak lai ah US itthat lai cu Japan in a rak tawkthai ruangah US thinheng cun August 6, 1945 ah Japan ram khawpi Hiroshima cu Little Boy timi Atomic bomb (Zuk ka tarmi a hlun sawn khi) an rak thlak. Khi tluk Bomb fate khin hmakhatte ah mipum 80,000 hrawng a that cih thei ih mi 10,000 lenglo in hriam an tuar bet.
Khi tluk Atomic Bomb fate hman in cuzat minung tam second sungah a that thei si khawh, khimi hnakih let tampi ih tummi Nuclear ralthuam (Zuk ka tarmi tumsawn khi) Russia in 5,977 rori an nei. Leitlun ih Nuclear ralthuam nei tambik khal an si. An Nuclear hun hmangsuak sualpang sehla ziangtluk in leitlunpi a siatsuak thei pei?
Tu ah US, NATO le EU rampawl cun an ralkap pawl Ukraine ramsung ah Raldo dingih thlah duh siloin Russia thin hngirṭeu ding zawngin Ralthuam le Sumpai tampi Ukraine an bawm ciamco ih Russia cu an thinheng a sosang sinsin. Nuclear ralthuam an relsuak leuhleuh. Boruak a rit vivo ding ko hih.