Smartphone Ngawlvei (Nomophobia)

Smartphone Ngawlvei (Nomophobia)

Nomophobia timi cu “no-mobile-phone-phobia” (mobile phone tel lo ih um ttihnak nat) tican a si. America Dingkhawm Ram, Iowa Phunsangtlawng in Computers and Human Behavior (Computer pawl le Minung Cecang) timi thuhla zirhliahnak an tuah.

Group pakhat cun smartphone lawnglawng vei ruangah sungkhat laina le rualpi pawl thawn hlatawknak a suak timi an hmusuak. Smartphone hi pehtlaihawknak (communication) hrang hmuitin ih tuah mi a si ko nan a lenglam nun ih mi pakhat le pakhat pehtlaihawk dan thiamnak a ttumsukter thei ve. 

Group dang pakhat leh cun “Smartphone Separation Anxiety” (Smartphone thawi’ tthentthekawk ttihphannak) timi an zingzoi.

2012 ahkhan Britain ram ah SecurEnvoy in minung 1000 zirhliahnak a tuah mi ah 66% cu nomophobia an nei ti a si. 2008 hnakin 13% in an pung.

America Dingkhawm Ram ah Harris Interactive in minung 1100 zirhliahnak a tuah tikah 33% cun rawl ei phah in an hmang. 55% in mawttaw khal phah in an hmang. 12% in tidai bual phah in an hmang. 19% cun Pathian biak caan ah an hmang. 9% cun sex hman lai tiangah an hmang ti a si.

Nang teh ziang na bang?