Capitol Hluttaw Innpi Sung An Lut Laiah Thlarau Thianghlim Vek .. Mipi Thinlung A La Tuk..

Capitol Hluttaw Innpi Sung An Lut Laiah Thlarau Thianghlim Vek  .. Mipi Thinlung A La Tuk..

Trump dungthlun pawl Capitol Hluttaw Innpi an lut laiah thlarau thianghlim vek an hmu ih mipi thinlung a la tuk.. Confederate Alan( flag ) pi kai in a feh vivo ih Mipi ih thinlung cu cui alan ah an thinlung an ret thluh..  Cui Confederate Alan( flag ) cu an hmuh dah lo asi ih hluttaw Innpi sungah an lutpi hmaisabik asi.  Cui Alan( flag ) thu cu hnasatak ih rel tul mi pakhat asi. Ziangah … 

Cui Confederate alan( flag ) cu Mirang pawl hrangah asi.. Ramkhel ah si seh, pawlkom awknak siseh .. Mirang cu miphun dang hnak in kan hleice. kan cuangce tinak asi.  Cofederate alan cu 1861 American ram sung buai nak ihsin a thok,, Cui alan cu an ramsung buainak mang ringring dingih mirang pawl  ih tuahmi asi. 

Confederate Flag ( alan ) thok nwk..

Cui Confederate flag cu Abraham Lincoln President si lai 1961 kum ah a thok,, American ah Sal Minak( dum ) thu buai ruangah American North le South in an tthen ciamco.. North American ah Confederate  Pyine aum , Cui hnu ah Pyi 4 a suak sal.  Abraham Lincoln cu Sal duh lo, Sal nei kham duhnak thinlung nei tu asi. Lincoln ih sal um lo thu cu South American pawl in an duh lo. Cuticun Kum 4 sung an kap that aw ih Confederate Pyine pawl an sung.. an neh lo..  American ah Paisa tambik cem, Mipi tambik cemnak ram sung buainak asi ih 1862 kum ahcun Abraham Lincoln In Confederate State ih Sal hmuahhmuah a suah ttheh. 

1865 kum ah Sal Minak( mi dum ) 186000 Sal ihsin an suah thei..  Sal san a cem, Sal nei tivek aum nawn lo. 

 American Ramsung Buainak , thahawkmak ttheh hnuah Confederate Alan( Flag ) timi cu an suah ter,,

Sal nei Mirang pawl tamnak Confederate Pyine pawl ral an sung tikah American dinsal nak ah Mirang pawl thinhenh tu an tampi.  South American pawl cun an hlo, an cem nak hmuahhmuah hngilh thei lo ding in Confederate Flag cu an tuah. Ramsung buainak ih nunnak liam mirang hmuahhmuah mang ringring nak ah Confederate flag cu an tuah. 

Confederate flag( alan ) timi cu Miphun thleidan nak alan asi.. Minak le mirang , Sal le nei tu tivek ih thleidan ringring tu Flag( alan ) asi..  Tuini ah Cui Confederate  alan( flag ) cu American Hluttaw Innpi sung tiang an thlen pi thlang..  Chinmi pawl ih ” thlarau pa bik ” tiin kan kawh thluathlo nak tek ruat sal ve aw .. Taktak cu Donald Trump cu Pathian mi , Pathian fa .. thlarau mi khal asi lo.. Mirang le Minak thleidan tu  lawng asi.. Tuini tiang American ih buainak um dah lo pawl an buai.. .. Kelaw .. Thlarau pa Laimi ttha ten vun ruat.. 

By : Salai Khum

Source : Mizzinma Media 

Leave a Reply

Your email address will not be published. Required fields are marked *