8888(8-81988)Laiah Yangon Um Chinmi Hmuahhmuah Hngawng Tanih That Tumnak Thu.. :

8888(8-81988)Laiah Yangon Um Chinmi Hmuahhmuah Hngawng Tanih That Tumnak Thu.. :

Kawlram ah Tlawngta pawl hoha in hnasatak an buai laifang asi. ( Tawinak in ngan sehla ).. 1962 kum hnu cun Ralkap pawl in Party pakhat lawng in rampi an hruai ih Tlawngta le Cozah pawl an buai phahphah. 1988 kum ah Tlawngta le Mipi an thin a so deuhdeuh.. Ralkap le tlawngta buainak pi pakhat aum ih Tlawngta tamtak cu Ralkap pawl in meithal in an kap that thluh.. Tlawngta siseh, Mipi lam in siseh ralkap pawl kap that thluh an si.

Ralkap pawl ruah dan cun kan kap le an dai ding tiin an zum nan tlawngta le Mipi cun Rampi buainak an thin a so sinsin.. Ralkap pawl khal ti ngaihnak thei lo in ” ralkap pawl tlunlam ihsin thupeknak ih kahmi si lo .. Chin ralkap pawl in an kap that ” tiin thu an tuah. Thuthang an tuah hnu cun Kawl tlawngta le Mipi pawl cu Chinmi parah an thin a so sinsin.

Cui thuthang hnu cun Yangon um Chinmi pawl an nunnak kilhim tu a tul thlang. Curuangah Chin tlawngta pawl khal um men loin CSU(Chin Student Union ) timi Organization pakhat an tuah lawhli ih Chin tlawngta le Yangon ih um Chin Mipi pawl thawn komaw in hmun tinkim ah duhphawrh nak tuah dingin thu an rel ve.

Chin Tlawngta CSU hoha tu pawl cu Salai Nang Lian Thang , Salai Ram Ling Hmu , Salai Ngai Sak , Salai Lian Hmung Sakhong , Salai Lal Lian Hmung le Dr. Thang Khan Suan pawl an si( CW ih tarlangmi)

CUS hoha nak le Chin mipi pawl an tel ih duhphawrh nak an tuah ve ciamco .. Duhphawrhnak an tuah laiah ” Chinmi cu Tlawngta pawl kap that tu kan si lo ” tivek ca poster ngan in an tarlang ciamco.. Pi Suh Kyi (NLD) lam khal in ” Chin ralkap in Tlawngta pawl an kap that ‘  timi cu sual puhnak asi men ” tiin an ruat thiam ve ih a mai sining te’n an sim aw vivo..

Cuticun CUS le Chin mipi hoha in Duhphawrhnak ihsin Chin mi parih thinsotak, a that ih that lawng duhtu pawl khal an thin a dai ve.  An thin dai tthek hnu  September ni 18 ah ralkap pawl in Uknak a laksal ih Democracy Party sung Election pi cu 1990 kum ah tuah ding in an rel. Cun, CSU pawl khal Party pakhat ah ding ve ding in an ruat ih CNLD timi cu an din .. CNLD hotu bik Salai Ram Ling Hmung , V- Hotu Salai Lian Hmung Sakhog le Sungtuan ah Salai Ngaisak pawl in an tuan.

Source :

Leave a Reply

Your email address will not be published. Required fields are marked *