Chinram – Falam Peng ah Pawpi( Tlavang )ih Keu ve lo, Pawpi( Tlavang ) an that ve lo mi Chin hrin pakhat an um.

Chinram – Falam Peng ah Pawpi( Tlavang )ih Keu ve lo, Pawpi( Tlavang ) an that ve lo mi Chin hrin pakhat an um.

Falam Khawpi ih hmai ningsuak nak lam ih um Lente Hrin pawl an si. PiPu tuanbia ah Pawpi( Tlavang ) cu thangin a awk ih runtu um nawn lo an ti. Khuaruah har mangbang in aum lai fang ah Lente hrin pa cu Sa dawi a feh.

Pawpi thangin awk mi kha a hmu ih .. Lente pa in ” Neh hnuah ka minung pawl na keu nawn lo le ka lo bawm ding ” tin a ti. Pawpi( tlavang ) in tla si seh law..i bawmve awla nangmah na tesin fa tiangin ka lo keu hai lo ding…sinan , nan mah in tla kanmah(pawpi) pawl nan that lo ding ” tiin thu an tiam.

Cui thu kham nak cu na pahbal si le , ka pahbal si le kan tesin fa tiang harsahnak ton sehlaw..an ti. A hlan ah cun Mi dang pawl in Pawpi( Tlavang ) an that ngah pang le Lente hrin Nunau pawl in an ttap nasa ttheu.

Chinmi pawl hi miphun dang vek in Tenglam thuanthu kan nei. Tenglam in a ttongmi thu kan sim’ awk ahcun ” Tenglam cu Lente ttong in a ttong ttheu” ti nak ah thuanthu sim’ tu pa in Lente ttong in an ttong ttheu…curuangah , Chin mi pawl a hlan kan ttong ngaingai hi Lente ttong deuh vek in kan ttong maw si..tin thu sut ding a um.

Hakha le Thlantlang ram ah zong Lautu hrin sungah Lenhrin tampi an um. Ahlan ah Lenhrin sung ihsin Sialhrut(clan) unauza pathum lamzin an tthenaw ih pakhat cu Hakha ram ah pakhat cu Sim ram ah a feh ‘  tiin thu an nei.

Chin Future

Leave a Reply

Your email address will not be published. Required fields are marked *