Kan PiPu Pawl Ziangruangah An Hna An Vit ..

Kan PiPu Pawl Ziangruangah An Hna An Vit ..

 

Chinmi hmuahhmuah hi Hna vit mi Miphun kan si ti cu theih cia si. Santhar ah kan vit awk lo nan, Kan PiPu pawl cu Hna vit lawnglawng an si ti cu theih tthek si ko.Chinmi cu Calai kan neih nak hi kum 110 fangfang si ih ziangruangah Hnavit mi kan si ti cu fiang tein theih si lo. Sinan, thuanthu cauk tam nawn siar le  fiang theih si ko

Chinmi pawl hi China ihsin ra mi kan si ti si. Mi menmen ih ra mi tla kan si lo. Xin – Chin Dynasty nei tu kan si. BC 221 hrawngah Xin-Chin Dynasty cu Han Dynasty an do ti si. Han in a neh thluah ih Xin-Chin pawl cu kan duhduh ah kan tlan.. A hrek cu Malaysia,Vitnam lam tla an thleng ti si.

kan ni Kawlram dunglam ih tlan tu pawl cu kan tlan nak mal te a hnu deuh tin ruat a si. Tlan ding in kan timtuah ko nan mal te kan hnu deuh. Xin-Chin Dynasty san lai ih thok zo mi Great Wall pi khi Han Dynasty in a sak bet ih Chin mi tampi cu Sal vek rori in hnasa tuk in hnatuan in fial.., Sal cu kan si lo nan, Sal tluk in hna kan tuan.

khi mi lai ah Han Dynasty in Xin-Chin mi ti theih thiam nak ding ah an Hnavit ter thluh si ding an ti. Mipa hmuahhmuah Hnavit tthek in hna an tuan. Culai fang ah Han Dynasty cu a dang Dynasty in an do lala ve ih hnatuan nak humhim tu pawl an thanau lai fang ah kan tlan .

Curuangah kan PuPi pawl Hnavit hi dan pakhat vek ah an ruat ih an Hna an vit fingfing.Tuih Chinram tin an ko,kan ko mi ram kan thleng hman ah Ral tlan kan si ruangah mi ih hmu thei nak hmun ah kan um ngam lo. Mi ih hmuh thei lo nak ram, Tlawng Tuupi sung rori tiang kan tlan. Mizo cu India timi ram hman an thleng.

Tulai…Xin-Chin Dynasty ih hman mi thil ri pawl hi kan mah Chin Miphun pawl tla tuni tiang ah kan hmang ringring lai…..

 

Leave a Reply

Your email address will not be published. Required fields are marked *