Sipai Lal in EAOs Hnen ah Federal State a thuphung in pek a tiam

Sipai Lal in EAOs Hnen ah Federal State a thuphung in pek a tiam

Military Council Chairman leh EAOs hruaitute UWSP, SSPP, NDAA pawl 3 atanga lo kalte kha Naypyidaw khawpuiah 26th September khan Remna leh Muanna chungchang (Peace Talk) sawi turin an inhmuh thu ka rawn ziak tawh a, palai rawn kalte chuan Full Wa State an duh thu an sawi a, thenkhat in mahnia ro inrelna, mahni thu thu a awm theihna ( Self Determination ) an dil hlawm a ni.

EAOs hruaitute chuan Min Aung Hlainga kawhhmuh “Appropriate right Federal” pek a ni ang tia a lo chhang chu a dik hlel deuh in an hria a ni. Federal State pek a tiam chuan “Myanmar Style Federalism ” a ni ang tih a rin theih nghal a,Tunhma pawhin ” Burmese Way Socialism” an lo kal pui tawh avangin Burma ram hi ram changkang lo berte zinga telh a lo ni tawh a ni.

Military Council hotu Sr.Gen.Min Aung Hlaing chuan an thil dilte chu a thuphungin rem a tih thu a lo hrilh a , Burma sipai (Tatmadaw) hian Democracy lamtlung zawh thei turin Multi Party system hmanga hma an lak mek thu te, Democracy leh Federal bulthut nei ram din a tum thu a sawi lang bawk a , Federal ram kan din tur hi Appropriate right to Federalism chauh kan pe thei ang a ti.

Sipai lal Min Aung Hlainga sawi hi ngaihtuah chian chuan Political Sience in a hrilhfiahna ” Federal Standard ” a tling pha lo hrim hrim tih hriat a tha.
A reng reng thuin Federal State hi Min Aung Hlainga thu thu a pek theih pawh a ni lova, an mahni ngeiin dan pawisa lova an bawhchiat tawh hnu 2008 Constitution in a pek theih pawh a ni lo.

Amaherawh chu hetianga Federal state dik tak pe thei chu sorkar dik tak (Legitimated Government ) in a din parliament in a siam Constitution hmangin a tih theih thung a ni.

Federal aia ril leh thuk zawk Confederation phei chu he Peace talk sawihona atang chuan a la hlat lutuk avangin, a ngaihna a la awm rih lo.

Federal han tih hian inlak hranna leh awmhran dilna chauh emaw ti hi an la awm tlat a, 1947 constitution chuan State ramte indin khawm a ram khata luang za turin a rel a, a ram hmingah pawh Union of Burma tiin a dah nghe nghe a ni.

NUG leh Federalism kan sawi thin te hi party thil bik a nih vanga sawi ni loin Kan mite politics thila hriatzauna an neih kan duhsak vanga rawn sawi thin kan ni zawk.