Europe pawl ih hngawng rektu Putin  (then 2 nak)

Europe pawl ih hngawng rektu Putin  (then 2 nak)

Eicop thilri ah leitlun ih Sangvut kuatsuakmi ih zatek 40, Vainim kuatsuakmi ih zatek 20 le Nicai sahriak kuatsuakmi ih zatek 80 lenglo cu Russia le Ukraine ram hnih in an kuat. Himi pawl an kuatsuak thei nawn lo tikah Europe ramah eicop thilri man a kai zutzo.

Hriamhrei thabik neitu cu Russia

Europe ram lehrulnak ah Russia ah a hriamhrei thabik cu hriakti (Oil) hi si. 2020 kum, kum khat sungah Europe ram ah a ra lutmi Gas zatek 42 cu Russia ih Nord Stream 1 timi pipe line ihsin a si. Cui’ pipe line cu leitlun pipe line tumbik lak ih tel a si ih kum khat sungah Gas Kuba Meter 55 billion a kuat theu.

Cui’ pipe line in Germany ah Gas a kuat ih cutawk in a dang pipe line le Europe ram dangdang ah a kuat sawng vivo. Cui’ ram a tam sawn cu Russia ih Gas an ring.

Europe ram pawl in Russia an khuahkhirh cun Putin in thil pahnih a tuah. Pakhat cu Europe ram ih a kuatmi Gas zatek 60 a phit. Cun Zinan le Gas a lei duhtu Europe ram ih company pawl cun Russia tangka Ruble thaw lawng in lei thei ti’n thu a suah.

Hi pahnih in leilung tlun sumdawnnak ah hngongmi pathum a nei. Cu pawl cu Gas kuatmi zatek 60 a phit ruangah a lut le suak a phaman aw nawn lo ih Gas man a khir in a khir cih.

Pahnihnak cu Zinan le Gas kha Ruble lawng in lei a theih ruangah Ruble paisa a kai ciamco ih leitlun ih paisa man thabik lam ah a cang.

Pathumnak cu hriakti man pawl a kai ruangah thilri tuahnak man tla a kai cih. Cumi rahsuah cu Europe Union (EU) ram pawl ih an paisa man a tla niam theh.

Europe Union ih cazin tarlang vek a si le paisa man tlakniamdan hi June thla ah zatek 9.6, cet thilri tuahman hi kan dung kum ai zatek 36 a thang ih meisa bill khal van a tong.

Eicop thilri man a kaidan hi May thla ah zatek 7.5 a si ih kum kul sungah thilri man sangbik kum a si.

Mah le mah siatsuah awtu Europe

Thil danglam zet cu American le Europe in Russia tlase ding in an khuahkhirh a si nan a taktak ahcun Russia in sum hawlnak ah a hmang sawn daih. Gas a kuat zat ai mal in a kuat tikah Gas man a kai ciamco ih ahlan ai zatek 100 in sum a ngah sawn. Hivek in Russia in Gas man a la lut nan Europe Gas man an cem tam sinsin. Gas um lo cun Europe sumdawnnak a tlase thluh ding si ko.

Tu ah Zinan hi pipa khat ah dollar 65 in 100 ah a kai. Cunah Russia in Gas hi a kuat mal nan ahlan ai siah a let hnih dollar billion 90 lenglo a ngah.

Cun a thupi zetmi pakhat cu India le Tuluk in Russia an dinpi tikah Europe ram ih a kuat nawn lomi pawl kha hi ram hnih ah nasa te’n a kuat ciamco.

Europe ram ah nikhat ah zinan pipa ting 5.53 a kuat nawn lo ai ah Asia ram pawl ah ni khat pipa ting 5.03 a kuat thung. Cunah Europe ram ih a zuar thei nawn lo hman ah zinan man kai zarah a hrangah siatnak a thlen phah lo. Curuangah Russia ih zinan lei lo ding in Europe pawl in India an fawrh ciamco.

Tulai fang Europe ram pawl an phanbikmi cu Russia in Gas a kuat laimi pawl a zate’n a phit sak pang kei ti hi si. Hivek in for khat hman tang loin a phitsak cun Europe ram sumdawnnak le mipi hrang zaan mang sia vek a si ding.

Tui’ kum thla tang sung ah Europe pawl hmai khua le Russia-Ukraine doawknak ah a sung le neh a fiang ter ding.

 Ref- The Winter is coming: Putin’s ultimate plan to choke Europe,  Business Standard, August 10, 2022 by Dipendronath Das

 

 

 

7 Comments


    1. မအလ ဖတ်စစ်တပ်နဲ့ ‌အာဏာရူးများအမြန်ကျဆုံးပါစေ


  1. ပြိုင်တူ ရုန်းမှ လွတ်မြောက်မှာပါ💪🏾💪🏾💪🏾


  2. 🥰🥰🥰💪💪🥰🥰💪


  3. အမှန်တရားအတွက် ရေလောင်းပေါင်းသင်ပေးပါ


  4. ပူတင်နဲ့မအလ အမြန်သေပါစေ

Comments are closed.