Europe pawl ih hngawng rektu Putin

Europe pawl ih hngawng rektu Putin

American le Europe ih sumdawnnak khuahkhrih a tongtu Russia ram hi zum ai an sumdawnnak a tlase lo nasa. Russia sumdawnnak tlase ding in ziangvek saw an beisei?

Russia-Ukraine ram doawknak a suah hnu Amercian le Europe ram pawl in Russia parah sumdawnnak an khuahkhirh. Russia thilri tuahmi le billion tel man Magda le Zarak tivek sumdawnnak cu Russia in an suak cupco.

Russia bank pawl tla swift timi ramkip sum kuattonnak network ihsin Russia cu an khak. Cunah Russia bank in zawi ram hman ah paisa an kuat thei nawn lo ruangah ramdang thawn an sumdawnnak a cawl theh. Russia tangka Ruble man khal a tla niam zutzo.

Cuvek a si tikah American le Europe ram pawl in Russia cu Ukraine ram ihsin a suak mei kei cu tin an rak beisei.

 Putin ih lehrulnak

Sinan Putin cun Geo-Politic hmang tangkai in Europe ram pawl parah sumdawnnak lam in a hei khuahkhirh ve ta. Curuangah tu cun Europe ram pawl khal sumdawnnak lam ah an cepther ve zet thlang. Kum khat sungah hriatti man pawl zatek 41.9 a kai ih eicop thilri man khal zatek 10.4 a kai. Curuangah Europe ram 27 ih GDP thansonak a muangmuahter theh.

Sihmansehla Europe ram pawl hi an harsatnak a cem hrih lo. Ziangah tile thla tang a ra thleng lai ding ih cu lawng ciah ah harnak taktak an tong ding.

Cunah anmah rori cu ral an do lo nan Europe ram 27 hin tui’ harnak an tonmi hi ziang tin an ti tawp ding? Cumi theihfiang ding cun modern warfare timi hi a hrampi tal kan feng a tul.

Raldonak ah an hmanmi hriamhrei phun 3 a um.

– ei in

– sumpai

– hriakti pawl an si.

Europe ram pawl hi Russia leh Ukraine thawn sumdawng tonmi an si. Sumdawnnak ah paisa a thupi ih Europe pawl in Russia kha paisa thawn an hrekkhawng ih a hngawng an dek.

Thla li sungah American in Russia ih ramdang paisa reserve retmi $ billion 300 an kharpit sak. EU pawl in Russia ih suahmi Vokka kha siah zatek 35 a la bet. Sui lam sumdawnnak an phit. Dollar billion tel man Mega Donell, Cocacola, Pepsi, Starburg pawl Russia ram ihsin Sinthir aw mei peh, mei peh ti bang in a sangsang te’n an suak. Hivek ih sumdawnnak kharpit sakawk ruangah Russia ram sumdawnnak hi a hni dualdo thlang.

Russia hi leiba in a nen ding ih a sumdawnnak a tluse reprep ding ih raldoawknak in an suak ding ti’n Nithlaknak ram pawl in an beisei. Europe in sumdawnnak lam doawknak ah a neh riai. Hmansehla thil dang ahcun nasa zet in harnak an tong.

Peh vivo lai ding >>>>>>>>>>

Ref- The Winter is coming: Putin’s ultimate plan to choke Europe,  Business Standard, August 10, 2022 by Dipendronath Das

1 Comment

Comments are closed.