Dengue Fever

Dengue Fever

Ngantu: Siang Thlai Rem
သွေးလွန်တုပ်ကွေး kan timi Dengue fever hi VIRUS ruang ih cang asi. Dengue Viruses hi phun 4 aum -DENV 1 to DENV4 asi ih Fikfa ( Aedes aegypt mosquito/ Mikeu) keunak ihsin kanngah mi asi . Fur ruahpi a cen thla ah a tam. Dengue Viruses hrik kan ngah ih Ni 3 ihsin 14 hrawngah kan taksa ah a lang thok.

Kan taksa ih alang dan pawl cu…..
👉Tak a sa, Lu a naa, Mitmu dunglam a naa, Ruhcang le taksa tit pawl a naa, Luaksuak pawl an si.

🔹Tak a sa tikah, 38.5 degree celsius (105 degree fahrenheit) tlun a si theu ruangah, “break-bone fever” kan timi ruhcang le kan tit pawl khiak thluh vek in a naa ti asi. Cun, tak a sa ih Ni 2 nak hrawngah kan vun ah a sen bol (အနီစက်) tete an suak theu. Lu a naa tikah, puakkuai thluh zik vek in a na ih mithmu dunglam khi tlathluh ding vek in a na thei.

🔹Mithen khat hrangah cun သွေးလွန်တုပ်ကွေး hi kumtin tlangrai (Khuh, hnarpit, dangnaa) tluk fang asi ih kar hnih hrawngah an dam nan, thenkhat cu multiorgan failure kan tiih, Dengue viruses in Thin a thling ter, Kaileng le Thlik a siat suah ruangah သွေးဖြူဥ, သွေးနီဥ, သွေးဥမွား pawl a mal ter ih a hmin hrimhrim သွေးလွန်တုပ်ကွေး a si vek in sunglam Thiihawrh (သွေးယိုစိမ့်/Thrombocytopenia ) ter ih thihnak tiang a suah thei.

⚠️ Ralring ding mi ⚠️
🔹Pum naa, Luak, Sungdok (voi leh khat ih cangmi) tikah Thin a thling ruangah a si thei
🔹Zun amal, nazi 6 sungah na zun a suak lo asi len Kaileng a siat a si thei
🔹Kutke a dai thiamthiam a si len na Thi a niam tuk (သွေးပေါင်ထိုးကျ/shock) a si thei
🔹Hnar thi, Hani thi, Coffee rawng luak, Zun-Ek Thi hi kan Thikhal tertu Platelet a mal (Thrombocytopenia) ruangah a si
🔹Cau tuk ih mitmeng tha thei lo, itnak in cang thei lo asi len na thi a niam tuk lole sunglam Thiihawrh (သွေးယိုစိမ့်) a si thei
🔹Umdan dik lo, helhhawlh ciamco asi len thiniam, thihawrh le thluaklam a si thei
Hivek pawl na tuar asi len Siizung feh ding 🚑🏥

Tlangrai menmen maw Dengue fever deuh asi ti ziangtin kan thei thei ding tiah cun….
1️⃣ Thi kan check a tul – Serology-Anti Dengue IgM timi a positive in confirm asi.
2️⃣ Thi kan check thei lo asi len, Hess test positive kan timi- Thi tahnak (BP cuff) banah ret in Thi kan tah hnu minutes 10 hrawnah BP cuff retnak ban asen dup theh asi len သွေးလွန်တုပ်ကွေး kan ti thei

🔹သွေးလွန်တုပ်ကွေး hi Virus ruangah ih cang mi asi ih Sii a um lo ruangah Fikfa keu lo ding in kham hi a tha bik. Supportive measure kan timi……
Tak a sa silen Paracetamol ei, Thiniam hrang drip thlai, Thimal hrang Thi thun tivek in kan tuamhlawm thei. Iboprophen hi Thi a suak ter tam duh ruangah ei hrimhrim lo ding.

🔹Nat khamawk hi a tha bik ringring. သွေးလွန်တုပ်ကွေး hi Fikfa ihsin kan ngah mi asi ih Fikfa keu loding in kan kham aw thei.

-Kor bansau le bawngbi sau, mawza hruh thei a tha, Thianthawng, mikeu si tivek hman thei a tha. Fikfa hi sun le zanlam thimzik hrawngah an tam cuang ih innsung ni eng le thlithiang tha ten ngah ih thim lo ding a thu pi zet …
-Fikfa hi Tiili ihsin an keuh. Tili ihsin pangang tete an keuh ih သွေးလွန်တုပ်ကွေး virus hrik cang tertu fikfa ah an cang ruangah tili um theunak inn kiangkap ih bungbel sia, tibawm hlun hnawmpung sia tivek hlonhlo ih thiangfai a thupi nasa. Inn kiangkap ih tiva luang tha lo, Tili tivek ahtla Fikfa an kheu thei.
-Dengvaxia timi Vaccine hi Dengue viruses 1 to 4 tiang a kham thei ih kan fale kan dawt thei len a tha sinsin. Sinan za ah za a kham thei cuang lo ti asi.

References;
1.ဒေါက်တာမှူးခင် – မိုးရာသီရဲ့နတ်ဆိုး
2.Dr Ariff Arithra, https://docs.google.com/…/1WAJ…/edit…
3. Dr. JJ, https://www.youtube.com/watch?v=ZQwOvNe9-Yo..

7 Comments


  1. ချင်းတောင်မှာနေချင်တယ် အမြန်အေးချမ်းပါစေ အောင်ပွဲရပါစေ
    Love Chinland


  2. ညီရင်းအကိုစိတ်ရှိတဲ့ ချင်းပြည်ကို ငြိမ်းချမ်းတဲ့တစ်နေ့ လာလည်အုံးမယ်💞💞💞


  3. ချင်းပြည်မှာနေချင်တယ်
    ချင်းပြည်ကိုလွမ်းတယ်


  4. Fighting💪💪💪💪💪


  5. ခ်မ္းေျမ႕ပါေစ ခ်င္းေျမ

Comments are closed.