El-Bethel kawhhran sungtel pawl a lak in Covid nat kham si an dawt ding

El-Bethel kawhhran sungtel pawl a lak in Covid nat kham si an dawt ding

Kalaymyo ih um El-Bethel Baptist kawhhran sungtel pawl cu August ni 13 zing nazi 8 ah biakinn ah Covid nat kham si an dawt tum tiah theih a si.

Covid nat kham si dawt duh pawl cu August ni 8- 12 tiang kawhhran zung le Dr. Van Biak Luai hnen ah NRC number le phone number thawn hmin pek ding ti a si.

El-Bethel Baptist kawhhan upa pakhat a simi Dr. Van Biak Luai in “Si lei man le si dawt man hi cem a tul lo. Kan nih cu si a ra dawttu pawl kha rawl rak dar men si. တိုင်းရင်းဆေးရုံ ah Covid nat kham si dawttu an um cumi hei kawh men si ko. Khual tlawn ding tikah Covid nat kham si ka dawt zo timi cate ken lole khual tlawn a theih lo tikah cumi cate duh ah dawt a si cio. Ahlan vek thotho in vei hnih dawt a tul” tiah a sim.

Taungphila Baptist kawhhran ih sungtel 300 tla Covid nat kham si an rak dawt zo ih tu ah St.John Baptist kawhhran pawl in tui’ kar ni 13 ni ah a vei hnihnak an dawt tum tiah theih a si.