Mizoram-ah Chin TV Night Mizoram buatsaih tum a ni

Mizoram-ah Chin TV Night Mizoram buatsaih tum a ni
Myanmar raltlante chunga Mizoram mipuiten hawihhawm taka an lo dawnsawnna chunga lawmthu sawina pakhat ni pah fawmin Chin TV Night Mizoram program pakhat chu April ni 16-ah Mizoram khawpui Aizawl-ah buatsaih a nih tur thu hriat a ni.
Chin leh Mizo thisen inzawmpui unauten tun dinhmuna Myanmar politics harsatna hnuaia Myanmar mipuite lo dawngsawnga kawng hrang hrang hmangaihna lantirtu Mizoram sorkar, NGO leh civil society-te chunga lawmthu sawina pakhat Chin TV International chuan he program hi a buatsaih dawn a.
Chu program-a special guest turte chu Chin state Chief Minister Salai Lian Luai, Mizoram Rajya Shaba Pu K.Vanlalvena leh State MP Dr.ZR Thiamsanga te chu sawm an ni a. Chu bakah Central Young Mizo Association (CYMA), Mizo Zirlai Pawl (MZP), Mizo Student’s Union (MSU) leh Zo Reunification Organization (ZoRO) pawlte pawh sawm an ni bawk.
He program hi April I 16, chawhnulam dar 2-ah Dawpui Multipurpose Centre, Aizawl-ah buatsaih a ni dawn a, Chin, Mizo zaithiam Guys from Chin, Shin Bia, Thawn Kham, Yaw Kee, DJ Lalvenhimi, Zoramchhani, Marina V Varte, Sangtei Khuptong leh Angaihtei te mipui zaiin an awi dawn a.
Chung program zawng zawng chu Chin TV International leh Mizorama cable TV Zonet leh LPS lamin Live-in an pe chhuak dawn bawk tih hriat a ni.
The Tahan Post