CDF-Zotung ralkap hotu le a dang mi 2 cu Rallokap pawl in an that ih an ruak an ur

CDF-Zotung ralkap hotu le a dang mi 2 cu Rallokap pawl in an that ih an ruak an ur

CDF-Zotung ralkap hotu le a kuttang ih ralkap mi 2 cu rallokap pawl in an kaih hnu ah an that ih an ruak cu July ni 27 ni ah an ur tiah CDF-Zotung in ca an suah.

Rallokap pawl hi July ni 22 sun ah Matupi peng Rancci khua sungah an lut ih khuami 27 cu an kaih ih biakinn sung le khua lak innsung ah an khum hai.

Gangaw khuapi ihsin rallokap minung 100 hrawng Matupi peng lam ah July ni 17 ah an hung so thok hai.

Khuami pawl hi CDF-Zotung in tlan theh ding in an fial nan a thenhrek khat cu tlan lo in khawsungah an um thotho.

CDF-Zotung tuanvo neitu pakhat in “kan ralkap hotu le a kut tang ralkap mi 2 cun rallokap pawl in khuami pawl an hrem maw ziang tin ha an tuah ti theih duh ah July ni 23 ah a thup te’n an va bih. Rallokap pawl khal khaw hnar ah a thup te’n mi an rak bawh ve. Cunah an rak hmu ih an kaih. July ni 27 ah rallokap pawl in mei an ur ih a rim ah mi ruak urmi rim an thei. An urmi le mi 3 an si tikah kan ralkap hotu le pawl an si ding ti’n kan nemhnget” tiah a sim.

Rallokap pawl ih an thahmi pawl cu CDF-Zotung ralkap hotu Thah Ceu (kum 40 hrawng), Aung Ming Thang (kum 20 hrawng), le Thang Cing Mang (kum 20 hrawng) an si.

Rallokap pawl in Rancci khua mipi 27 an kaihmi cu tui’ sun August ni 3 sun ah an thlah theh sal tiah theih a si.

Leave a Reply

Your email address will not be published.