Paletwa pengah tlawngta pawl tomi lawng cu rallokap pawl in an kap mi 2 an thi

Paletwa pengah tlawngta pawl tomi lawng cu rallokap pawl in an kap mi 2 an thi

Chin ram, Paletwa peng Tungmawa khua ih tlawng kai pawl cu Kaladan tiva in Yimawa khua lam pan in lawng an to lai ah rallokap pawl in August ni 2 sun ah an kap ih tlawngta mi 2 an thi ih mi 3 hriam na zet in an tuar tiah theih a si.

Rallokap pawl hi Tungmawa khua ih khatlam ral Namada khua ah bu an khuar ih cutawk hmun in an run kapmi a si.

Rallokap pawl kah ruangih thimi pawl cu phun 5 kai laimi Nay Min Thun (kum 11) le Aung Tan Myit (kum 11) an si. Cun tlawngta dangmi pahnih le tlawnginn ih hnatuan mi pakhat cu hriamhma nasa zet in an ngah.

Himi thu ah Interim Chin National Consultative Council – ICNCC in August ni 3 sun ah a tanglam bang in ca an suah.

Rallokap pawl in rapthlak zet in Chin ram sungah an cecangnak pawl cawl ding in le rallokap pawl an dem thu le dingthluk zet in himi thu par ah ro in rel sak uh tiah an ti.

Rallokap pawl hi Chin ram ihsin dawisuah an si hnu lawngah Chin ram ah remdaihnak a leng thei ding thu cuvek ih rallokap dawisuahnak dingah mah le ti theinak zawn ciar in tanla ding ah Chin mipi zate’n kan lo sawm tiah an ngan bet.

1 Comment

Leave a Reply

Your email address will not be published.